മലയാള സിനിമാഗാനം : ഇന്നുമെന്റെ കണ്ണുനീരിൽ
-----------------🌸------------------
ചിത്രം : യുവജനോത്സവം
പാടിയത് : കെ ജെ യേശുദാസ്
സംഗീതം : രവീന്ദ്രൻ
വരികൾ : ശ്രീകുമാരൻ തമ്പി
-----------------🌸------------------
ഇന്നുമെന്റെ കണ്ണുനീരിൽ
നിന്നോർമ്മ പുഞ്ചിരിച്ചു..
ഈറൻമുകിൽ മാലകളിൽ
ഇന്ദ്രധനുസ്സെന്നപോലെ..
(ഇന്നുമെന്റെ...)
സ്വർണ്ണമല്ലി നൃത്തമാടും
നാളെയുമീ പൂവനത്തിൽ
തെന്നൽ കൈ ചേർത്തു വെയ്ക്കും
പൂക്കൂന പൊൻപണം പോൽ
നിൻ പ്രണയ പൂ കനിഞ്ഞ
പൂമ്പൊടികൾ ചിറകിലേന്തി
എന്റെ ഗാനപ്പൂത്തുമ്പികൾ
നിന്നധരം തേടിവരും
(ഇന്നുമെന്റെ..)
ഈ വഴിയിൽ ഇഴകൾ നെയ്യും
സാന്ധ്യനിലാശോഭകളിൽ
ഞാലിപ്പൂവൻവാഴപ്പൂക്കൾ
തേൻപാളിയുയർത്തിടുമ്പോൾ
നീയരികിലില്ല എങ്കിലെന്തു നിന്റെ
നിശ്വാസങ്ങൾ
രാഗമാലയാക്കി വരും
കാറ്റെന്നേ തഴുകുമല്ലോ
(ഇന്നുമെന്റെ..)
ഈ പാട്ട് കേൾക്കാം : https://youtu.be/9eacMX-mpB0?si=Jji3FZmbaEKCn43J
0 Comments